Este proxecto forma parte do programa “O Teu Xacobeo” financiado por:
“O Noso Camiño · Our Way” é un proxecto participativo de arte pública e fotografía documental que redescobre a esencia viva do Camiño de Santiago a través das emocións de quen o habita e o percorre. Concibido para buscar máis aló do que mostran as guías oficiais, este espazo de encontro converte prazas e vías públicas en escenarios de creación colectiva.
Mesía, A Coruña
O Pino, A Coruña
Pontecesures, Pontevedra
Fisterra, A Coruña
O Pino, A Coruña
Boqueixón, A Coruña
A iniciativa instalouse en cinco puntos polos que discorren algunha das distintas rutas xacobeas en Galicia: Mesía, Pontecesures, O Pino, Fisterra e Boqueixón. En cada lugar, peregrinos, veciños e visitantes uniron as súas voces encaixando grandes fichas con forma de cuncha de vieira para dar forma a unha escultura viva e orgánica que celebra a memoria e o patrimonio inmaterial do territorio.
Mesía
Pontecesures
O Pino
Fisterra
Boqueixón
En cada unha destas pezas de cores, os participantes plasmaron as súas vivencias respondendo a preguntas sobre aquilo que xamais debería desaparecer, o que non aparece nas guías, o que non atopas noutro lugar, a motivación para seguir camiñando ou o que máis sorprende do camiño.
Este valioso arquivo de testemuños e impresións reais é o corazón do proxecto e inspirará ao recoñecido fotógrafo Adolfo Enríquez para dar vida a un libro fotográfico único e a un arquivo de imaxes de libre acceso. Unha obra colaborativa que transcende o visual para converterse nun tributo á identidade, á hospitalidade e a unha maneira propia de sentir e camiñar polo mundo.
Mesía, A Coruña
Fisterra, A Coruña
Pontecesures, Pontevedra
Boqueixón, A Coruña
O Pino, A Coruña
Pontecesures, Pontevedra